ads

احذر.. طريقة جديدة للنصب على المواطنين من أمام دار الأوبرا المصرية

دار الأوبر المصرية
دار الأوبر المصرية
الشيماء صلاح


حذر أحد المواطنين من عملية "شحاتة" ونصب جديدة، بطلها طفل صغير يتواجد يوميًا أمام مقر دار الأوبرا المصرية في الدقي.

وروى المواطن تفاصيل الواقعة التي تعرض لها، عبر صفحة "تجربة" بموقع التواصل الاجتماعي "فيسبوك" قائلًا: "بصوا الاشتغالة دى بقى جديدة عليا جدااا فى الشحاتة.. فخدوا بالكم بيتفننوا والله.. الولد دا قاعد كدا أمام الاوبرا.. عنيا لمحته قلت اتخبط او فى مشكلة نزلتله لقيت شنطة ترمس مرمية (واضح انه بيبيع الترمس فى واحد خبطه وقفت الم معاه قالى لا أنا هلمه)".

وتابع: "المهم وقفت أبعد العربيات عنه فى ظرف ٣ دقائق لم مبلغ محترم من الشعب الطيب الغلبان وعلى ايدى الناس كانت بتقولى خد اديلوا دول ويقولوله متعيطش.. الى أن جاءت المفاجأة !! حد راكب عربية قاله انت كل يوم على الحال دا !!! قلتله ازاى قلى يا باشا دى شغلته! مصدقتش!!".

وأضاف: "الواد قاعد وسط طريق ممكن يموت وتقول دى شغلته! شوية عربية ميكروباص تويوتا قال يا باشا دى شغلته سيبه كل يوم ع كدا! 
لحد ما اتضحلى أنه فعلا أسلوب جديد للنصب (الشحاتة) بس بأمانة دخلت عليا.. وأنا اللى كنت باخد الفلوس بإيدى بتاعت الناس ادهاله".

واختتم: "كنت مش عارف اضرب كف ع كف ولا أضرب كف ع أفاه ولا اضرب نفسي أنى لسة طيب كدا.. بجد لو بنتفنن فى الشغل والوظائف كدا كنا هنبقى عبقاره".

احذر.. طريقة جديدة
احذر.. طريقة جديدة
احذر.. طريقة جديدة
احذر.. طريقة جديدة