ads

تحذير خطير لـ«أهالي المعادي» من عصابات «تجارة الأعضاء»

تجارة الأعضاء ــ أرشيفية
تجارة الأعضاء ــ أرشيفية
أحمد عمران

حذرت إحدى الطالبات بـ«مودرن أكاديمي» من عصابات تجار الأعضاء الذين يصطادون ضحاياهم بطريقة أو بأخرى وأن القدرة الإلهية التي أنقذتها من هذه العصابة بمحطة مترو المعادي.

وقالت في منشور لها على موقع التواصل الاجتماعي «فيسبوك»: «النهاردة في محطة مترو المعادي بسأل على الـ«مودرن أكاديمي» تتراح إزاي بنت شفتني جريت عليا قالت لي وأنا كمان في المودرن تعالي نروح سوا وخرجنا بره المحطة لقيت عربية شاهين زرقة متفيمة مستنياها وفيها سواق شكله مريب راكن قدام المحطة بسرعة و فتحلنا الباب بسألها مين ده قالت لي دي عربيات معروفة أنها بتوصل الطلبة من المترو للأكاديمية».

وتابعت: «أنا لاحظت إن البنت مش معاها شنطة ولا كتاب ولا أي حاجة تقول أنها طالبة أو رايحة تدرس والعربية متفيمة خوفت ومرضتش أركب معاها راحت عامله إيه بقى لفت ورجعت محطة المترو تاني، ومركبتش العربيه والسواق ركن واستناها».

واستكملت: «بحكي لدكتورة عندنا في الجامعة قالت لي دول عصابات «تجارة الأعضاء» وهي اللي قالت لي احكي اللي حصل على النت عشان محدش من البنات يقع في العصابة دي ويركب أي عربية كده والسلام».
تحذير خطير لـ«أهالي